Mae cynllunio ymddiriedolaethau’n waith pwysig, ond yn aml caiff ei hepgor fel rhan o’ch trefniadau ariannol. Mae rhoi eich cynilion, buddsoddiadau, polisïau bywyd neu asedau mewn ymddiriedolaeth, yn rhan bwysig o gynllunio eich ystâd bersonol.

BETH YW YMDDIRIEDOLAETH?

Yn gyffredinol, offeryn cyfreithiol yw ymddiriedolaeth a ddefnyddir i reoli’r ffordd y caiff eich asedau eu trosglwyddo i eraill.

Yr enw ar yr unigolyn sy’n sefydlu’r ymddiriedolaeth yw’r ‘setlwr’. Yr enw ar y bobl a bennir i weinyddu’r ymddiriedolaeth yw’r ymddiriedolwyr, a’r rhai sy’n elwa o’r ymddiriedolaeth yw’r buddiolwyr. Wedyn caiff yr asedau a gytunwyd eu cadw mewn ymddiriedolaeth i’w rhyddhau ar yr amser a ddewiswyd.

PAM DEWIS DEFNYDDIO YMDDIRIEDOLAETH?

Mae nifer o resymau dros sefydlu ymddiriedolaethau, megis diogelu dyfodol ariannol gŵr neu wraig, a diogelu asedau ar gyfer eich plant neu i’w rhoi i elusennau.

Maent yn hyblyg ac yn galluogi dosbarthu asedau ar yr amser a ddewisir ac ar yr un pryd lleihau’r cyfrifoldeb o safbwynt treth etifeddiant.

Gall fod yn faes cymhleth, felly cysylltwch â ni os hoffech ddysgu mwy am sefydlu ymddiriedolaethau fel rhan o'ch cynllun ar gyfer eich ystâd bersonol a gallwn helpu adnabod yr atebion mwyaf priodol i ddiwallu eich anghenion a'ch amcanion.

Cynllunio'ch Ystâd Bersonol

• Gwasanaeth Adolygu Treth Etifeddiant
• Cynllunio Cyfoeth Teuluol
• Cynllunio Ymddiriedolaethau